Finata 5 Tenba un kétu Ília y selvajis montis y séra kastanhu kor dun signo markadu na txon desdi dia ki é rabenta di fundu di natur...

Finatas Forever!!!

11:37 AM 0 Comments


Finata 5

Tenba un kétu Ília y selvajis montis y séra
kastanhu kor dun signo markadu na txon
desdi dia ki é rabenta di fundu di natureza
ki ningen di mundu nem tenpu ka da bason
saidu bendu atxadu y dizinbarkadu na téra
ka tinha podu fikadu fika Ómi d´otus nason
y povuadu ku scravu ranjadu na kosta baxu
ki na rota di mundu negosiadu katxu-katxu

Finata 6

Kel ora primeru di momentu konsagradu
trémulu falanti strobadu soletra na pidjin
simenti nativu d´un língua staba simiadu
na alma skravu-l téra y na tenpu sem fin
limentadu na rota negru di tudu tratadu
ki na segredu tangomanu netus y fidjus
ridimidu mastiga ladiadu na txon fekundu
nas Ílias na Afrika y n´otu banda-l mundu

Kaká Barbosa
Konfison na Finata


0 comments: