Nkrê un Son más Son...

sábado, agosto 09, 2008

Spiga ê DJAZZ VERDI!



Na 2005 Matilde Dias, num post na lantuna ê pergunta Princezito sobre se disco.

resposta foi:
“disku ku 12 músika, tudu prontu, sta na nha kabesa”.

kela dja era um crença i um vontadi forti.

“praia sta prenha!!!”
frasi ki princezito fla na 2006, fazendu referência a um dado movimentação cultural na cidadi.

Nês altura, azágua di dia di oji, dja staba ta ser anunciadu.

Hoji, internet fla ma tem - cerca de 3040 resultado pa palavra princezito.
alguns ê él… otus podi ka ser (i nu podi tchiga na cada um dés pa confirma na 15 segundu, uh!!! menus ki um minutu, kê tempu sagradu di Princezito).

Alguns ê vídeo, otus ê comentário i mensagens…

Tem kês ki ta atcha ma tem um razon imocional forti trás di musica di Princezito, kê fetu ku construção di momentus i imagem di kusas… kê tem ki fla, ki tem ki ser fladu.

Ê combersu sábi di século 21.
tem um impulso genético ki ta lebal a explora midjór sê própri origem. nôs própi origem…

Tem otus ki ta atcha ma Princezito ê especialista na explora
nuances di batuku basiadu na força di palavra…

ê um esgrimador di palavra, sima el é… um piskador di poema, ó um caçador di inspirason…

Palavra ê usadu como sentidu (…na sê ton provocador quase sempre) i ta sirbi como base di ritmu.
Tem um ladu di bom gosto marcanti i tem um cultivar di um humor sabi!!!

Ê ta gera um cumplicidade i empatia agradável ku sê públicu.
Tem sempri surpresa, expontaneidadi i…

Improvisu ê se caminhu.



Calu Sousa ê ka era Princezito sê ka subiba monti graciosa,
sê ka tomaba benson na Bibinha Cabral i
sê ka sabeba ma tem um kau ki tchomaba pilonkan…

Na um entrevista recenti Princezito papia na tcheu nomes i lugares.

ê cita Norberto Tavares i Kaká Barbosa.

Norberto, dja contraba ku enkantada, ê dixi kutelu mendi ê bá pára la pilonkan.

Kaká Karbosa avisa ma ken ki kre fazi kodjeta tem skodji gran di simenti.

Princezito i spiga ê ka era possível sem lugares i sem nomis.

Spiga

ê um disco obrigatório
pa sê musicalidadi
pa sê mensagem
pa produto herdadu ki el é

spiga

más di ki musica
é um pergunta magoadu
pa nos tudu
sobri kusé
ki realmenti nu kre fazi ku criolo i sê stória

finalmenti,
spiga é um tendência musical claru…

ka tem spiga
si ka tem fodjada
ka tem djazz
si é ka for verdi

por isso
princezito ê um renki di son
ki tchoma

DJAZZ VERDI!!!

1 comentário:

JLT disse...

Bodona, Djinho. Princesito merese

Follow Us @soratemplates