Pa AnTónio Correia e Silva Es cidadi é um raia generosa Um avenida di rosa moldado Na paredi di um novo tenpo. Cachoera di fadiga exem...

PRAIA CENTENÁRIA!

9:02 AM 0 Comments


Pa AnTónio Correia e Silva

Es cidadi é um raia generosa
Um avenida di rosa moldado
Na paredi di um novo tenpo.
Cachoera di fadiga exemplar
Na dureza di mapa y paisagem.
Cheio di ser cada dia más Praia
Um poco más di nós y di sol.

Es cidadi é um cambraia radiosa
Um avenida di rumo marcado
Na século sen spírito fitchado.
Rubera dóxi di seiva exemplar
Na largueza di júbilo y miragem.
Cheio di ser cada dia más Praia
Um poco más di nós y di sol.

Es cidadi é riso dun coxa briosa
Moda um farol ponto marcado
Na lemi di jornada dun navio.
Bandera di valentía exemplar
Na firmeza di Julho y coragem.
Cheio di ser cada dia más Praia
Um poco más di nós y di sol.

2007-04-01
Kaka barbosa

0 comments: