sábado, novembro 11, 2006

PA BIBUFIKA SON DI SANTIAGU

Posted by with 2 comments
Posted by Picasa
N ka sta pertu N ka sta longi-l kau ki N ka sai
Y dja-n dia ta kuda, ta odja sai ki fika N ka bai
Si sta é lemi ki ta lumi-m ó ta lapi-m gana fika
Ka mi. Briu é xeia baziu pa atxa k’atxadu inda
K’é mi, é orela pé di bai ku odju riba li ta striba
Ku pó di indiferensa lapidu verdi dor ta pinga
Na nha prestu txon Son di Santiagu ta bibufika

N ka sta pertu N ka sta longi-l kau sen kau sta
Ki é mi, é sin di li-sin-sin ta nega nega-negadu
N ka sta pertu N ka sta longi di kel ki fladu fla
Ki é mi, é nau di sin sinhor di ayan ki ka fladu
Pabia … SON!
É séu rendedu na forsa dun djátu
Pa raiba klaria na maldison di ferru gaitadu
Demu … Ti Agu
É dondágu. Mel di nha sant’odiadu
Na poezia pa pozentu di moenga dimoniadu


Praia, 08-Nov-2006
Kaka Barboza
Reacções:

2 comentários:

Anónimo disse...

http://tramadol-sqllt.blogspot.com/
Dont forget!

Anónimo disse...

http://ambien-free.blogspot.com/
Good Luck!