quinta-feira, setembro 21, 2006

Rap di Pueta!!!

Posted by with 3 comments

Isto fui buscar no Liberal.
Um texto cheio de musicalidade do José Luis Tavares.

Follow this flow, man!!!

RAP DI PUETA
Nha bida é fase versu
manera di konbersu
rafaze universu
na óra reza tersu
//
Ka oru pa futuru
sustentu di manhan
más só tinta sukuru
kansera ku bran-bran
//
Un bes ta flada muza
kel spritu ki ta nspira
gosi bu ten ki uza
kabesa y transpira
//
N dexa kanta flor
pamodi forsa dor
nha versu perde kor
kubridu ku fedor
//
Amor dja é ka tema
si lumi dja ka kema
pa nobus prublema
konstrui nobu sistema
//
Katxor ta bai na rua
é tema di puezia
ómi prindadu na grua
é sol di tudu dia
//
Puezia é sen pabia
ti ómi na kadia
ti rai di kobardia
el é ta fla bon dia
//
Sukuru dentu bo
ta luta pa ser dia
makaku riba pó
kel li tanbé é puezia
//
E ka ta intxi kartera
inbora é txeu kansera
na txada sen barsera
é barsi paridera
//
Albês é konbersu duru
batida di kuduru
más e ka ta rende juru
na banku di futuru
//
Si vos ken ki obi-l
ta odja mô k´é mundu
albes na mês d´abril
e ta rabenta fundu
//
Prende-l é trabadju rixu
ki ta tra soris di testa
pa otus é ka más ki lixu
ki sobra na fin di festa
//
Trabadju el é pa mi
si forsa é más ki lumi
s´e ka ta mata-m fomi
e ta nxina-m ser ómi
//
Un bes sima prufeta
éra kenha ki tenba es don
más oxi mi é so pueta
mininu di txon bon


José Luiz Tavares Posted by Picasa
Reacções:

3 comentários:

Anónimo disse...

amin staba xintadu ta speraba pan leba es poeta di tcon bom na criolo!homi tem talentu sem manha!!!

Anónimo disse...

djinho escrebi algum cusa ta ku titulo MINISTRO DA CULTURA PRECISA-SE!Goci go dja nu tem prova definitivo ma cultura e ka nem prioridade nem diamante de nos cultura, desdi ki veiga douence dja nu JMN dja debia sabeba me tem ki preparaba sucessor!Ma tambe ku ou sem ministro parcem me kelme!
sandrinha

Anónimo disse...

Djinhu, mi N gosta txeu di Son di Santiagu, más bu ka pode muda-l template? Kel kor pretu li ka ta djuda mutu. Obrigadu pa divulgason ki bu ten fetu di kusas ki bale di nos téra.

JLT