terça-feira, abril 25, 2006

Mini Festival Kintal da Musica - Balanço

Posted by with No comments

Termina Sábado, altas horas di madrugada “mini” festival pa assinala más un aniversário di Kintal da Musica.

3 dia di musica i di grandi interacção entre pessoas, amigos i músicos. Claru acompanhado pa pratos supervisionado ku carinho especial pa cuzinha di casa.

Son di Santiagu ta dexa un agradecimento a tudu grupos e artistas ki participa.
Nota especial pa performance di:

tudu batucaderas ki fazenu volta pa raiz,
Ntoni denti D´oru, homi ki ta conserva na el un parti sublimi di kultura caboverdiana, Ricardo, Duka i Houss, ki fazenu viaja na tempu di vários sons,
Grupo Djingo ki más un bez ta surpreendi ku sê capacidadi di cria i confirma valor universal di batuku i sê ritmu - Pa frenti Dani,
Alunos di Escola Grupo Raiz di Polon ki da un autentico show num espaço tão piquinoti,
Albertino i Zeca Couto, ki fiel a sês publico ta manti un reportório diversificado,
Kadi, voz ki sa ta disponta como un grandi sinal pa já já…

Nota també pa presença di Abraão Vicente i di Stieve Andrade, dôs activistas cultural ki insisti na “mora na kintal” na kês 3 dia. Cada un fazi registos ki sta bá ser importanti.

Tudu apresentason fica a cargo di Princesito. Fica registado un forma sabi, bonito má sobretudo inteligenti i di respetu na interason ku cada grupo ou artista ki subi palco.

Alia, obrigado pa iniciativa. Próximo anu ka bu skeci manda nota pa tudu imprensa, pés podi parci… Posted by Picasa
Reacções:

0 comentários: